Saxaafada SSC oo cabasho ka muujyay maleeshiyaadka SNM

waxaa berahan soo noq noqonayay cabasho ka i,aamaysa saxaafa SSCee cabudhin xoogle ay ku hayaan Maamulka somalidiid ka iyagoo xidh xidhay dhawr jeer dhalin yaro wax ku qorta WEB caalami ah sida Jidbaale.com riinji .com radioLaascaanood.com arinta ayaa waxaanu waraysi kala yeelanyay Mulkiilaha Webka Rinji.com Jaamac Maxamuud Xaaji Ismaaciil

wuxuuna udhacay sudaa

S jama maxaad ka cabanaynsaan oo ay idiin gaystaan maamulka soomaalidiid ka

J walahay arintaasi maaha mid aan soo koobi karo maamul ku sheegaasi waxay nagu hayaan dhib laxaadle waxay xidh xidheen dhalin yaro badan oo waliba ay jidhdileen

S maxaa loo xidh xidhayaa oo jiraa

J wxaa jira meesha maaha waxa jooga maamul ee waa qabiil qabiil qabsaday markaa aar gosi iyo wax la mid ah ayaa jira

S bal halkaas faah faahi

J waxaan ula jeedaa meesha waxaa haysta beel la dhaho isaaq markaa waxaa kuira cuqdad iyo wax aan la aqoon markaa maaha wax laga shekayn karo waxa ka jira meesha

S jaamac adiga miyaa marna lagu xidhay

J haa ilaa bil ayaan xidhnaa

S marka maxakamd ma lagu geeyey mise waa layska kaa sii dayay markii dambe

J may la ima geyn meel ee waa layska kay siidayay

S markaa maxaad hada ugu baaqil shacab ka ku dhegaysanaya

J waxan ugu baqayaa in lala dagaalamo maleeshiyaadka SNM

Kaasi wuxuu ahaa jaamac maxamuud xaaj ismaaciil

RadioLaascaanood1.com Magaalada Dharkayn Geenyo oo laga Hirgeliyey laba Mashruuc(Samafal)

RadioLaascaanood1.com1)Magaalada Dharkayn-Geenyo kana Tirsan Gobolka Sool, 80km Dhanka Hawdka ayay L/canood kaga Beegan Tahay: Daawo Sawirada
Magaalada Dharkayn-Geenyo kana Tirsan Gobolka Sool, 80km Dhanka Hawdka ayay L/canood kaga Beegan Tahay: Daawo Sawirada
Mashruuc Samafala oo kaashanaya Jaaliyada ka soo Jeeda Gobolka Sool Gaar ahaan Magaalada Dharkayn Geenyo ayaa waxay Magaalada Dharkayn ka hirgeliyeen laba Mashruuc iskugu Jira School Sare iyo Masaajid.

Waxaa Mashuuraca Xadhiga ka Jaray Garaad Jaamac Garaad Cali iyo Odoyaasha/Waxgaradka u dhashay Magaalada

Mashruuca Samafalka iyo Jaaliyada ka soo jeeda Dharkayn Geenyo waxay hadda isku Diyaarinayaan laba Mashruuc oo laga Fulinayo Magaaladaas waxaana Hadda ay Bilaamayaan Hospitaal.

A/nasir Ahmed Qaybdiid
Email shidedahab@hotmail.com

Garowe: Madaxweyne Faroole oo kulan aan caadi aheyn la yeeshay Golihiisa Wasiirada.

Garowe(Bancadde.com)- Madaxtooyada Puntland ayaa shalay looga yeeray Xubnaha golaha Wasiirada ee dawladda Puntland, waxaana uyeeritaankaan ay ka dambeysay markii uu Madaxweyne Faroole ka soo laabtay booqashooyin uu ku tagay gobalada Mudug & Bari, ayadoo kulankan uu ahaa mid deg deg ah oo aan caadi aheyn uuna iclaamiyey Madaxweynaha Puntland.Sida lugu daabacay Bar Internet oo ay leedahay dawladdu waxaa kulankaan lugu soo qaaday xaaladaha Booqashadii Madaxweyne Faroole ku tagay gobalada Mudug & Bari, Amaanka Puntland, Dibu habeyntii Dhaqaalaha & Ciidamada, Xiisadaha Colaadeed ee ka taagan meelo ka mid ah Puntland & qodobo kale oo ay ka mid ahaayeen wada shaqeynta Golayaasha dawladda.Madaxweyne Faroole oo shirkan Shir gudoominayay ayaa usheegay Golaha Wasiirada in uu ku soo arkay gobalada Mudug & Bari xaalado kala gedisan, wuxuuna tilmaamay in Booqashadii Mudug uu ku tagay uu ku soo arkay xaalado ubaahan waxqabad deg deg ah, uuna wada hadalo la yeeshay Odayaasha dhaqanka oo ay usoo jeediyeen talooyin ku aadan xaalada gobalkaasi, wuxuuna intaasi ku daray in uu sidoo kale gobalka Bari xaalado kale isna kala kulmay una baahan waxqabad wanaagsan oo muuqda.Madaxweynaha Puntland wuxuu soo qaaday amaanka Puntland wuxuu usheegay Golaha Wasiirada in laga shaqeeyo amaanka, isagoo ku amray Wasaaradaha shaqada ku leh Amaanka & Xiisadaha Colaadeed in si deg deg ah wax looga qabto xaalada Amaanka & Xasaradaha, wuxuuna tilmaamay in deegaano ka mid ah Ciida Puntland ay ka jiraan Xiisado Beeleedyo udhaxeeya Beelo udhashay Puntland, loogana baahan yahay Wasaaradaha shaqada ku leh in ay deg deg uxaliyaan Mashaakilkaasi.Mar laga hadlayay dibu habeynta Dhaqaalaha & Ciidamada ayaa lasheegay in ay meel wanaagsan marayaan howlahaasi ayna ku howlan yihiin Gudiyadii loo diray sidii loo heli lahaa ciidan wanaagsan oo la yaqaano & Dhaqaale caadi ah oo la maamuli karo lana ogaan karo meesha uu ku baxayo, Ayadoo la eegayo xaaladaha Puntland ay ku jirto.Kulankaan oo ahaa mid aan caadi aheyn ayaan Saxaafada wax war ah oo dheeri ah aan laga-siin, waxa ayna Golaha Wasiiradu isla soo qaadeen sidii sare loogu qaadi wada shaqeynta ka dhaceysa Golayaasha Baarlamaanka, Xukuumada, Garsoorka & Madaxtooyada, waxaana uu codsaday Madaxweyne Faroole in ay Golayaasha Puntland ay noqdaan kuwa isku duuban oo fiiriya oo kaliya danta dawlad gobaleedka Soomaaliyeed ee Puntland.Shirkan Wasiirada ayaa lugu soo qaaday xiisado colaadeed oo ka taagan deegaanka Cadaada oo ay dhawaan ku dagaalameen Labo Maleeshiyo beeleed oo ka soo jeeda deegaanada Puntland, waxa ayna Xukuumadu horay shaaca uga qaaday in ay si deg deg ah ukala dhexgalayso Beelahaasi, si wax looga qabto dirirta ka dhaceysa goobahaasi.Kulankaan golaha Wasiirada ayaa ka soo hormaray Kulankii Khamiis lahaa oo khamiista kasta ay yeeshaan Golaha Wasiirada ee Puntland, waxaana Xukuumada cusub ay dooneysaa inay waxqabad muuqda ka hirgaliso Puntland sida ugu dhaqsaha badan.

Shide Ahmed Qaybdiid Laascaanood

Addis Ababa: Tababar loo soo xiray Saraakiil ka tirsan dawladda Faderaalka ee Soomaaliya

Addis Ababa(Bancadde.com)- Wararka naga soo gaaraya Magaalada Addis Ababa ee dalka Itoobiya ayaa sheegaya in ay Dawladda Itoobiya maanta ay tababar usoo xirtay 30 Sarkaal oo ka mid noqonaya ciidamada dawladda Faderaalka ee Soomaaliya, kuwasoo lasiinayo tababaro ku aadan xaalada Hogaaminta & Isku dubaridka ciidamada ay hogaamin doonaan.Xirida Tababarkan waxaa ka qeybgalay Siyaasiin ka tirsan Xukuumada Midnimada Qaran ee uu hogaamiyo Shariif Sheekh Axmed, waxaana jooga Wasiirka Amniga Qaranka Col. Cumar Xaashi Aaden & Taliyah ciidanka Booliska Soomaaliyeed Gen. Cabdi Xasan Cawaale (Qeydiid), waxa ayna dhamaantood ka qeybgaleen xirida tababarkaasi.Xukuumada Itoobiya ayaa tababaro balaaran siisay Saraakiisha ciidamada dawladda Faderaalka ee Soomaaliya, waxaana dhaqaalaha bixiyay Urur Gobaleedka IGAD, ayadoo Itoobiya ay ku taageertay Macalimiinta tababarada siinayay, waxaana uu socday tababarkan mudo ku siman 1 sanno & Bar in ka badan.Taliyaha ciidamada Booliska ee dawladda Soomaaliya Cabdi Xasan Cawaale ayaa usheegay Idaacada VOA-da in ay arintan qeyb ka tahay Hanaanka Siyaasadeed & aqooneed ee ciidamada dawladda Faderaalka ee Soomaaliya, wuxuuna intaasi ku daray in looga baahan yahay dawladdaha Caalamka in ay taageeraan dawladda Faderaalka ee Soomaaliya ayna ciidamada taageero lixaad leh siiyaan si amaanka loo sugo.DF ayaa taageero dhaqaale oo fara badan weydiisay Caalamka, waxa ayna dhawaan heshay taageerooyin Siyaasadeed & Dhaqaale, waxa ayna tani ka mid noqoneysaa taageerada ay helayaan dawladda faderaalka, waxaana looga fadhiyaa Xukuumad cusub waxqabad deg deg

Golaha wasiirada wadamada Qaliijka oo dhinacayada Soomaalida ah ugu baaqay in ay xaliyaan qilaafaadkooda.

(Bancadde)Golaha wasiirada wadamada Qaliijka ayaa dhinacayada Soomaalida ah ugu baaqay in ay xaliyaan qilaafaadkooda.

Golaha wasiirada wadamada ku bohoobay iskaashaatada wadamada Qaliijka ayaa kulan ay shalay ku yeesheen magaalada Riyaadh ee wadana Saudi Arabia waxaa ay ka soo saareen Qodobo dhowr ah oo ay kaga hadlayeen arimaha Soomaaliya.

Golaha waxaa ay sheegeen in marka hore ay ka walaacsan yihiin sii socoshada xaalada liidata ee dalka Soomaaliya,waxaana ay sheegeen in dhankooda ay si weyn u soo dhaweynayaan isbadalka siyaasadeed ee ka dhacay dalka Soomaaliya ee madaxaweynaha loogu doortay sheikh Shariif Shiikh Axmed Gudoomiyihii Maxaakiimta islaamiga Soomaaliyeed.

Waxaa ay sidoo kale sheegeen in ay si weyn ula dhacsan yihiin codka Kalsoonida ay siiyeen golaha baarlamaanka Soomaaliya ra’iisul wasaaraha Soomaaliya Cumar Cabdi rashiid Cali Sharma’arke.

Golaha wasiirada wadamada ku bohoobay iskaashaatada wadamada Qaliijka waxaa ay dhinacayada Soomaalida ugu baaqeen in ay iska kaashadaan soo afmeerida dhibaatada ragaadisan dadka Soomaaliya,waxaana ay sidoo kale ugu baaqeen in ay ka shaqeeyaan xasiloonida iyo amaanka isla markana dib dalka ay ugu soo celiyaan xasiloonidii iyo kala danbeeyntii.

Shide Ahmed Qaybdiid Bancadde.com

Xukuumadda Cusub oo sheegtay in ay wax ka qabaneeyso dhibaatooyinka ka taagan dekeda weyn ee magaalada Muqdisho.

(Bancadde)Xukuumadda Cusub ayaa waxaa ay sheegtay in ay wax ka qabaneeyso dhibaatooyinka ka taagan dekeda weyn ee magaalada Muqdisho.
Kadib booqasho uu ra’iisul wasaaraha dowlada midnimada Qaran ku tagay dekeda magaalada Muqdisho aya xoghayaha dhinaca warfaafinta ee xafiiska Ra’iisul wasaaraha waxaa uu sheegay in xukuumadu ay si deg deg ah wax uga qabaneeyso dhibaatooyinka ka jira gudaha dekeda magaalada Muqdisho oo ay ugu horeeyso dhibaatooyin gaadiidka ay tabanayaan oo ku aadan lacago farabadan oo si sharci daro ah looga qaado gudaha dekeda.

C/salaam Yuusuf Guuleed oo ah xoghayaha dhinaca warfaafinta ee xafiiska Ra’iisul wasaaraha ayaa idaacada shabelle uga waramay waxaana uu sheegay in sida ugu dhaqsiyaha badan wax looga qabanayo dhibaatada ka taagan gudaha dekeda iyo guud ahaan magaalada Muqdisho.

Hadalka ka soo baxay xafiiska Ra’iisul wasaaraha ayaa ku soo aadaya kadib booqasho uu shalay ra’iisul wasaaraha ku tegay dekeda isaga iyo wafid la socday oo uu ka mid ahaa Shariif Xasan Shiikh Aadan Ra’iisul wasaare ku xigeenka 2-aad ahna wasiirka Maaliyada iyo wasiirka gaadiidka iyo Dekedaha Max’ed Ibraahin Xaabsade iyo qaar badan oo ka mid ah golaha wasiirada dowlada midnimada qaran kuwasi oo dhamaantooda u kuur galayaya xaalada ka jirta gudaha Dekdan magaalada Muqdisho Iyo sida ay u shaqeeyso

Shide Ahmed Qaybdiid Bancadde.com

Hambalyo Hambalyo Hambalyo Furitaankii Wargayka Bancadde

Hanbalyo Hanbalyo

Anigoo ah A/nasir Ahmed Qaybdiid (Shide) Waxaan Hambalyo iyo bogaadin udirayaa Chemical engineer A/risak Ahmed Hayir oo Gacan Wayn Igu Siiyey Farsamada Iyo Dejinta Webkan Qaaliga ah ee http://www.bancedde.blogger/

Hanbalyo Hambalyo

Mamulka Wargayska : A/nasir Ahmed Qaybdiid (Shide)

Dad ka soo barakacay Dhibaatooyin ka jiray gobolka gedo oo ku sugnaa gobolka J/hoose oo bilaabay in deegaandooda ay ku laabtaan kadib markii halkaasi

Qaar ka mid ah dad ka soo barakacay Dhibaatooyin ka jiray gobolka gedo oo ku sugnaa gobolka J/hoose ayaa bilaabay in deegaandooda ay ku laabtaan kadib markii halkaasi roobab ay ka da’een.

Dadkani oo ah dad reer guura ah oo markii hore ka soo cararay deegaano ka tirsan gobolka Gedo kuna soo cararay gobolada Jubooyinka ayaa bilaabay in ay dib ugu laabtaan gobolka Gedo.

Dadkani oo u badan xoolo dhaqato gaar ahaan Geela ayaa la arkayay iyagoo ka gudbayay buundada degmada Bu'aale kuwaasi oo ku sii jeeda gobolka Gedo oo ay ka de'een Roobab lagu Diirsaday.

Xoolo dhaqatada ayaa sheegay in ay uga cararayaan deegaanada gobolada Jubooyinka Abaaro iyo biyo la'aan halkaasi ka dilaacaday.

Barakaca xiligan ay bilaabeen dadka reer guuraaga ah ayaa waxaa ay ka danbeeysay kadib markii abaaro dadka iyo duunyada saameeyay ay ka dilaaceen deegaanada gobolada Jubooyinka halkaasi deegaanada qaar ay yihiin kuwa aan lala gaarin biyaha.

Baracaka xoolo dhaqatada halkasi ay ka bilaabeen ayaa waxaa ay ku soo aadeysaa xili shalay galinkii danbe dibadbax roob doon ah oo ay soo agaasimeen maamulka islaamiga ee gacanta ku haya gobolkaasi uu ka dhacay magaalada Kismaayo.

Laascaanood

Ra'iisul wasaare Cumar C/rashiid Cali iyo xubno ka tirsan wasiiradiisa oo maanta booqasho ku tagay dekadda weyne ee magaalada Muqdisho

Ra'iisul wasaare dowladda KMG Soomaaliya Cumar C/rashiid Cali Shrma?arke iyo xubno ka tirsan wasiiradiisa ayaa maanta booqasho ku tagay dekadda weyne ee magaalada Muqdisho xili dhawaan ay cabasho ka soo yeeraysay qaar ka mid ah gaadiidlayda ka shaqeysa gudaha dekeddaasi.

Wafdi balaaran oo uu hogaaminyo ra?iisul wasaare Cumar C/rashiid Cali ayaa maanta booqasho aan horay loo shaacin waxaa ay ku tageen dekadda weyne ee magaalada Muqdisho,iyadoona uu wehliyaan Ra?iisul wasaaraha ku xigeenkiisa Ahna wasiirka maaliyadda Shariif Xasan Sheekh Aadan,wasiirka gaadiidka Max?ed Ibraahim Xaabsade,masuuliyiin ka tirsan maamulka gobolka Banaadir iyo saraakiil ka tirsan ciidamada dowladda KMG Soomaaliya.

Ra?iisul wasaaraha ayaa la hadlin saxaafadda iyadoo aan la ogeyn ujeedada dhabta ah ee ka dambeysa booqashadiisa,waxaana intii uu halkaasi ku sugnaa ra?iisul wasaaraha hakad galey dhamaan howlahii dhaq dhaqaaqa ee dekedda oo ay ciidamo fara badan biixyeen.

Boqoshada Ra?iisul wasaraha ayaa waxaa ay ku soo aadaysaa xili cabasho badani ay ka taagneyd gudaha dekadda weyne ee Muqdisho gaar ahaan kuwo ka soo yeerayay gaadiidlayda ka shaqeeya gudaha dekadda oo ay sheegeen in lacago baad ah looga qaado dekadda weyne ee magaalada Muqdisho,iyadoona aan la ogeyn talaabada uu Ra?iisul wasaruhu ka qaadan doono arinkaasi.

Shide Ahmed Qaybdiid Laascaanood

Kulan ay isugu yimaadeen culumaudiin ka Somaliyeed...

Kulan ay isugu yimaadeen culumaudiin ka Somaliyeed ee ku dhaqan Sacuudiga Waxaa dhamaan ka soo qeeybgalayaashii kulankaan ay isla jeexjeexeen qodobo dhoowr ah oo ku aadan sidii loo baajin lahaa baqdin ku aadan dagaalo marka kale ka dhex dilaaca mushtamaca Soomaalida ah ee ku dhaqan gudaha wadankii hooyo ee Soomaaliya ka gadaal markii dhawaan ay isku hertiyeen gudaha magaalo madaxda Soomaaliya ee Muqdisho ciidamada dawlada midnimada qaran oo garab ka helayay kuwa Amisom iyo kooxo hubeeysan oo ka soo jeeda ururka Xisbul ISlaam. Qabashada kulankaan ayaa dhabtii waxaa ay ku soo beegantay ka gadaal markii uu ku balan qaaday afhayeenka ururka Xisbul Islaam Shiiq Muusa in aanay aqoonsaneeyn dawlada midnimada qaran ee lagu soo dhisay wadanka Jabuuti isagoo sidoo kalena intaa raaciyay in ururkooda aanay wax wadahadal ah la geli doonin dawlada midnimada qaran isaga oo sidoo kalena ku eedeeyay dawladan in aanay waxbaba kaga duwaneeyn midii horay loogu soo dhisay deegaanka Imbagaati ee wadanka Keenya isla mar ahaantaana ay dhinacooda waa Xisbul Islaame ay sii wadi doonaan dagaalada ay kala soo horjeedaan dawlada midnimada Qaran ilaa inta laga gaarayo hadafyo ay sheegeen in ay tiigsanayaan. Ugu dambeeyntii kulankaan ay culumadu ku qaateen magaalada Makah Al Mukarama ayaa waxaa laga soo saaray qodobo dhoowr ah oo ku aadan sidii nabada loo yagleeli lahaa iyaga oo dhinaca kalena ugu baaqay dhamaan qeeybaha kala gedisan ee isku haya siyaasada wadanka in ay u hogaansamaan shareecada Islaamlka isla markaana la baajiyo in dhiig dambe uu ka dhex daato walaalaha Soomaaliyeed ee Muslimiinta ah iyaga oo dhinaca kalena xusay in ay waajib tahay in loo gargaaro maatidii ku waxyeeloowday dagaaladii ugu dambeeyay ee dhawaan ka dhacay caasimada uu wadanku leeyahay ee Muqdisho.